Ezustea hartu dute Aiaraldeko hainbat gidarik gaur `Barrerillako mendateko' errepidea zeharkatzen saiatu direnean. Izan ere, irudian ikus daitekeen moduan, ezinezkoa zen handik igarotzea.
Ertzaintzak azaldu duenez, atzo gauean, 22:45ak aldera, kamioi batek istripua izan zuen bide horretan -A-2521 Araban eta Bi-2521 Bizkaian-. Berez, ez zen zauriturik egon, baina ibilgailua matxuratu zen.
Gauzak horrela, atzo ezin izan zuten tokitik erretiratu eta gaur egin dute. Goizeko lehen orduetan Ertzaintzak lehen deiak jaso izan ditu, baina ez zuen informaziorik bidearen egoerari buruz. Izan ere, trafikoa etetea ez zen izan poliziaren erabakia, baizik eta Obra Publikoena.
Azkenean, 11:00ak aldera berrezarri dute trafikoa, behin kamioia eramanda eta azpiegituran garbiketa eginda.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
