Foru Plazatik abiatzen zen eta hiriko kale eta berdeguneak zeharkatzen zituen ziklokros zirkuitu ikusgarria prestatu zuten atzo Urduñar Txirrindulari Elkarteko kideek, Urduña City Cross sariketaren edizio berri batean.
Goizean goizetik eta iluntzera arte, adin orotako txirrindulariak elkartu ziren hirian, Copa Bizkaia CX sariketako proban parte hartzeko.
Turbocross arrakastatsua
Aurtengoa edizioa berezia izan da. Izan ere Turbocross lasterketa herrikoiaren lehenengo edizioa egin dute: Turbocrossa. Mozorroak soinean, bi itzuli eman zizkioten hiriko zirkuituari. Lehiarik gabe tartean, ondo pasatzea izan zuen helburu lasterketak.
Antolatzaileak pozik agertu ziren lehenengo edizioak izandako harrerarekin, eta datozen urteetan herritar gehiago animatzea dute helburu.
Argazkiak: Aimar Gutierrez Bidarte eta Chris Gomez Dominguez
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide