Ehunka mendizaleren topalekua izan zen Urduña atzo (urriak 13). Txarlazo Mendi Taldeak urteroko hitzorduari eutsi eta Urduñako Mendi Martxaren XIX. edizioa antolatu zuen. Giro eguzkitsua lagun eta Gorobel mendilerroa laino-opil ikusgarriaz estalia zegoela, gozatua hartu zuten hiru ibilbideetako parte hartzaileek.
Urduñako XIX. Mendi Martxak bat egin du hiriko mendi taldearen 60. urteurrenarekin. 1964an sortu zuten Txarlazo Mendi Taldea, hiriko mendizaletasunaren historian egondako aurreko klubei lekukoa hartuta. Efemeridea oroitzeko, Otxomaioetako txupinero izendatu zituzten iragan maiatzean.
Argazkiak: Txarlazo Mendi Taldea
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
