Foru plaza bete dute Erauntsiren dantzek eta Korrontziren doinuek

Txabi Alvarado Bañares 2024ko aza. 29a, 23:22
Deskargatu Info Ahotsak :

Emanaldi bateratua eskaini du Urduñako dantza taldeak Agus Barandiaran buru duen bandarekin eta Oinkariko dantzariekin. 

Txiki geratu da Urduñako Foru plazako karpa gaur iluntzean. Ehunka lagun bildu dira bertan Korrontzi musika talde ospetsuak Erauntsi dantza taldearekin osatutako emanaldi bateratuaz gozatzeko. Oinkariko dantzariek ere parte hartu dute emanaldian, eurak baitira Agus Barandiaranen taldearekin biran aritzen direnak.

Gauzak hala, hiriko eta kanpoko dantzariak txandaka igo dira oholtzara trikitiaren erritmo biziak jarraitzera. Horrez gain, Oier Rebolledo urduñarra ere igo da panderoa jotzera.

Urduñako Udalak antolatu du emanaldia, Euskararen Nazioarteko Eguneko egitarauaren barruan. Horregatik, euskararen aldeko mezua eraman du Barandiaranek Foru plazara. 

Horrez gain, trikitilariak aipatu du Urduñan izan zela Korrontziren lehenbiziko kontzertuetako bat, duela 17 urte inguru. "Hemengo Gazte Asanbladak deituta etorri ginen, merkatu zaharrean jotzeko. 17 urte igaro dira ordutik hona, eta orain arte ez gara berriro itzuli", oroitu du musikariak.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide