Igande eguerdian inauguratu zuten Urduñako EH Bilduren bulego berria. Hainbat herritar hurbildu ziren espazioaren irekierara, eta zenbait ordezkari politiko ere bertan egon ziren, hala nola Ima Garrastatxu Bizkaiko batzarkidea, Bea Illardia eta Exabier Arrieta Aiaraldeko ordezkari politikoak eta eskualdeko hainbat herrietako udalkideak.
Zabaldutako oharrean, Urduñako EH Bilduko partaideek adierazi dute egoitza ez dela "soilik hormak, sabaiak eta altzariak dituen leku bat", bertan aukera egongo delako baita ere eztabaidarako eta proiektuak sortzeko, "pertsonak, justizia soziala, giza eskubideen defentsa eta ongizate kolektiboa beti erdigunean jarriko dituztenak".
🏛️ Bilgunea zabaldu berri dugu, lanerako gunea izateaz gain herritar guztientzat ateak zabalik izango ditu #Urduña pic.twitter.com/cjcKKciRXL
— EH Bildu Urduña (@EHBilduUrduna) January 20, 2025
Urduñak gisa horretako espazio baten "beharra" zuela aldarrikatu dute ordezkari politikoek, eta argi utzi dute espazio irekia izango dela "mugimendu sozialei, borroka sindikalei, emakume taldeei, gazteria konprometituari eta beharrekzo aldaketa sakon baten alde ahaleginak egin nahi dituzten pertsona guztiei".