Erauntsi Egunaren edizio berri bat ospatuko dute Urduñan larunbatean

Aimar Gutierrez Bidarte 2025eko martxoaren 13a

Foru plaza izango da egunaren epizentroa. / Aiaraldea.eus

Egun osoko egitaraua prestatu du Urduñako Erauntsi dantza taldeak larunbat honetarako. Dantza-poteoak, herri-jolasek edota dantza-plazak girotuko ditu hiriko kaleak.

Iazko edizio arrakastatsuaren ostean, ekimena errepikatzea erabaki du Urduñako Erauntsi dantza taldeak eta egun osoko egitaraua prestatu du datorren martxoaren 15erako, larunbata. Taldearen urteurrenaren testuinguruan ekin zioten Erauntsi Eguna deitu duten ekimena antolatzeari, eta aurten ere hiriko hainbat txokotan garatuko dituzte ekintzak.

Egun osoko egitaraua

Eguna dantza-poteoarekin abiatuko dute 13:00etan, eta 15:00etan herri bazkaria egingo dute Foru plazan. Bazkalostean, aldiz, herri jolasak egingo dituzte, toki berean.

Arratsaldean dantza plazarekin girotuko dute hiria, eta Saltoka taldea arduratuko da dantzaldia musikaz eta umore onez dinamizatzeaz. 21:00etatik aurrera ere egongo da dantzatzeko parada. Izan ere, Saltoka taldeak erromeria giroarekin alaituko du Urduñako Foru plaza. Herri bazkariko tiketak 15 euroan daude salgai Alondegian.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide