"Otxomaio euskaldunen alde" lerratu dira Urduñako hainbat elkarte eta eragile

Txabi Alvarado Bañares 2025eko maiatzaren 2a
Deskargatu Info Ahotsak :

Atzo eguerdian egin zuten agerraldia Foru plazan. / Aiaraldeko Euskalgintza Kontseilua

Atzo egin zuten Aiaraldeko Euskalgintza Kontseiluak sustatutako dinamikari babesa adierazteko argazkia. 

Hainbat elkarte eta eragilek babestu dute 'Gora Otxomaio euskaldun!' ekimena. Agerraldia egin zuten horretarako atzo eguerdian Urduñako Foru plazan. 

Honako eragile eta elkarte hauetako kideek hartu zuten parte bertan, besteak beste:

  • Mugalde
  • Urduñako Gazte Asanblada
  • Erauntsi dantza taldea
  • Urduñako Herri Eskola
  • Txarlazo Boulder
  • Urduñako EAJ 
  • Urduñako EH Bildu
  • Txosnagunea 
  • Jai Alai pilota elkartea

'Gora Aiaraldeko Jai Euskaldunak' dinamikaren barruan kokatzen da Urduñakoa. Iaz egin zen ekimena lehenbiziko aldiz, Aiaraldeko Euskalgintza Kontseiluak sustatuta. Modu horretan, jaietan hizkuntza eskubideak bermatzeko hainbat irizpide adostu eta aplikatu zituzten hainbat Udalek. Aurten, aldiz, eragile eta herritarren atxikimendua ere bilatu dute. Horretarako, atzokoa bezalako agerraldi eta talde-argazkiak egingo dituzte beste herrietako jaietan ere. 

Egitasmoaren nondik norakoen inguruan luze eta zabal hitz egiteko aukera izan genuen Azalera podcastean, Kontseiluko kidea den Christian Alemanyrekin:

Euskara Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide