Urduñako Udalak neurriak hartu ditu ibilgailuetan gertatzen ari diren lapurreten kontra

Erredakzioa 2025eko ekainaren 19a

2020an gertatutako lapurreta baten irudia./ Aiaraldea

Tokiko erakundeak azaldu du 24 lapurreta jazo direla azken hiru hilabeteetan eta zein neurri hartu aztertzen ari direla.

Urduñako Udalak oharra zabaldu du jakinarazteko neurriak hartzen ari direla, azken hiru hilbateetan 24 lapurreta gertatu eta gero hiriko ibilgailuetan.

Tokiko erakundea Ertzaintzarekin ari da elkarlanean eta poliziak presentzia areagotu du aparkalekuetan. Prebentziozko ikuskapenak ere egiten ari direla aipatu dute, gertakariak ekiditeko.

Horrez gain, Udala segurtasuna hobetzeko segurtasun-sistema gehigarriak ezartzea aztertzen ari da, horrelako egoerei aurre egiteko.

Tokiko erakundeak, bide batez, barkamena eskatu nahi izan die kaltetuak izan diren urduñarrei eta ezinegona sentitzen dutenei. Aldi berean, konpromisoa adierazi du udalerriko aparkaleku guztiak seguruak izan daitezen.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide