Igerilekuetan sortu diren arazoak konpontzeko lanean ari dela azaldu du Urduñako Udalak

Aitor Aspuru Saez 2025eko uztailaren 7a

Urduñako igerilekuak, artxibo irudi batean. / Urduñako Udala

Erabiltzaileek hainbat kexa plazaratu dituzte eta Udala pasa den astean elkartu zen azpiegiturak kudeatzen dituen enpresarekin.

Urduñako Udala lanean ari da azken asteotan igerileku publikoetan sortu diren arazoak konpontzeko. Izan ere, erabiltzaileek hainbat kexa egin dituzte sare sozialetan zein udal erregistroaren bitartez, hainbat higiene arazo salatzeko, edota adierazteko belarra ez dagoela behar den moduan moztuta.

Udal gobernu taldeak salaketa guztiak jaso ditu eta bilera deitu zuen enpresa kudeatzailearekin iragan astean, gatazka baloratzeko eta irtenbideak bilatzeko.

Horrez gain, gaur bertan ekin diote udaletxera heldu diren kexa guztiak erantzuteari. Udalak azpimarratu nahi izan du ez duela arazoaren aurrean ezikusiarena egin eta lanean ari direla ahalik eta lasterren bideratzeko.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide