Gaur hasi da Urmuga ekimen ibiltaria. Goizeko bederatzietan abiatu dira parte hartzaileak Angulotik, Txapela Brava taldearen abesti batzuk entzun ostean. Gorobel zeharkatu dute jarraian, eta Urduñara jaitsi dira arratsaldean.
Antiaguako Santutegian egin diete harrera Aitor Aspuru panderojoleak eta Lander Txato trikitilariak, eta eurekin joan dira Foru plazaraino. Adarren doinuekin eta Erauntsi Dantza Taldearen agurrarekin jaso dituzte bertan, eta Udaletxera jo dute jarraian guztiek, mokaduaz gozatzera.
Antolatzaileak pozik azaldu dira lehen etapak izandako harrerarekin. Hirian jaso duten ongi etorria "hunkigarria" izan dela aitortu du Miguel Zeberiok, Urmugaren zuzendari artistikoak:
Bihar Aiaraldean jarraituko du ekimen ibiltariak. Izan ere, emanaldi bateratua eskainiko dute Alaitz eta Maider, Leturia eta Irati Arcelus, Anje Duhalde, Et Incarnatus Orkestra, Fede de Dios eta Pirata musikariek Garrastatxun, 18:30ean. Sarrerek 20 euro balio dute eta hemen eskuratu daitezke.
Argazkiak: Javi Aspuru eta Txabi Alvarado