San Esteban jaia ospatuko dute Lendoñobeitiko bizilagunek abuztuaren 3an, igandean. Egun osoko egitaraua prestatu dute horretarako, adin guztietako herritarrei zuzendutako ekintzekin.
Festei hasiera emango dien txupinazoa, larunbat gauean jaurtiko dute, 22:00etan. Biharamunean, goizeko 9:00etan ekingo diote egunari, berriz ere kanpaiei eragiten eta suziriak zeru zabalean lehertzen. 11:30ean egingo dute San Estebanen omenezko abestutako meza.
Behin eguerdia igarota, 13:00tan trikipoteoarekin alaituko dute giroa eta arratsaldean ekingo diote berriro, 17:30ean abiatu eta etxez etxe ibiliko den kalejirarekin. Bola-joko txapelketak 18:00etan izango du hasiera eta ordubete beranduago helduko zaie etxeko txikienei gozatzeko txanda, 19:00etan egingo baitituzte haientzako jolasak.
Egunari amaiera heltzen zaion heinean, ohiko odoloste jana egingo dute 21:00tan, eta DJ Del Garrok jarriko du musika, goizeko ordu txikiak arte.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
