Gaur bolo-bolo aritu da urduñarren sare sozialetan Foru plazako piloia desmuntatzen ari zirela, baina horren azalpena aski erraza da. Udalak berak argitu duenez, egitura enblematiko hori konpontzeari ekin diote.
Berez, ur-ihesak ditu iturriak eta horiek amaitzea da esku-hartzearen helburua. Halaber, garbiketa lanak ere gauzatuko dituzte. Hain zuzen, ur-ihesa kalteak eragiten ari zen piloian. Harria desegiten ari zen eta pieza batzuk erortzear zeuden. Edonola ere, mantenu lan arruntak baino ez direla nabarmendu dute.
Urduñako udal arkitektoak gaineratu duenez, azken berritze lanak 1998an egin ziren eta une horretan egindako zenbait moldaketek (adibidez, zortzi iturrien ur irteera murriztu zen hodien bitartez) matxurak sortu dituzte epe luzera funtzionamenduan.
Horiek konpontzeko piloiaren piezak desmuntantu eta egokituko dituzte, "hamarkada gehiago iraun dezaten".
Eginkizun horiek burutzeko ez dute aparteko inbertsiorik aurreikusi eta udal brigadak berak hartu ditu bere gain.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
