'Altuna jaunaren hilketa' euskarazko antzezlana ikusteko aukera egongo da gaur eta urriaren 25ean, Urduñan eta Baranbion

Aitor Aspuru Saez 2025eko urriaren 17a
Deskargatu Info Ahotsak :

Aimara taldeko zenbait antzezle.

Aimara talde amurrioarrak eramango du lana oholtzara gaur 18:30ean Urduña Museoan eta 25ean Garrastatxun, 12:30ean.

Aimara antzerki taldeak bira txikia abiatuko du gaur Altuna jaunaren hilketa lanarekin. Izan ere, 18:30ean Urduña Museoan egongo dira eskualdeko aktoreak eta Baranbion, ordea, hilaren 25ean.

Serapio Lopez, Jon Gerrero, Virginia Garcia, Marian Fradejas eta Ainhoa Isasi tokiko antzezleak igoko dira oholtzara Julio Cortazar idazlearen testuaren moldaketa erakusteko. Berez, lanak 20 minutu irauten du eta tarte horretan thriller misteriotsua ikusteko aukera eskainiko dute.

Urriaren 25ean, aldiz, hitzordua Garrastatxun izango da, Euskal Jaian. Aimararekin abiatuko dituzte ospakizunak eta gero triki poteoa, bazkaria, Julio Soto eta Oihana Bartraren bertso saioa eta Gauargi erromeriaren emanaldia egongo dira.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide