Ertzaintzak berretsi dio Aiaraldea Komunikabideari asteburuan, larunbat gaueko eta igande goizeko tartean, bi lapurreta jazo zirela, Belandian eta Mendeikan.
Berez, hedabideak Belandiako gertakariei buruz soilik jaso ahal izan du informazioa bere kabuz. Antza, ezezagunek eskola zaharretan bi ate bortxatu zituzten eta sartu ziren.
Eraikin hori Administrazio Batzarrak kudeatzen du eta bi lokaletan banatuta dago. Batek erabilera kolektiboa dauka eta bileretarako edota ospakizunetarako baliatzen dute. Bestea kontzejuak alokatzen du etxebizitza gisa.
Etxe horretan bizi den pertsonak azaldu dio komunikabideari kalte handienak ateetan egin dituztela, sartzeko apurtu zituztelako. Berez, bizilagunak uste du ez ziotela ezer kendu, baina aurretik etxea arakatu zuten eta dena hankaz gora utzi zuten. Auzokideak aipatu du Ertzaintza aztarna digitalen bila egon zela etxean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
