Beste ikus-entzunezko bateko hainbat sekuentzia filmatuko dituzte martxoan Urduñan. Kasu honetan, Infamia izeneko telesailaren eszenatoki izango da hiria eta pasarte horietan agertuko diren haur figuranteen bila dabiltza.
Hain zuzen ere, bi perfil izango dira beharrezko. Alde batetik, zortzi eta hamar urte bitarte dituzten umeak behar dira ikasgela bateko eszenetarako. Bestetik, 16-17 urte dituzten baina gazteagoak diruditen nerabeak behar dira. Azken horiek antzerki talde bat irudikatu beharko dute.
Interesa dutenek Smart Figuración-en webgunean izena eman eta serieraphael01@gmail.com postara idatzi behar dute erregistratu direla adierazteko. Mezu elektroniko horretan Urduña ikastetxea (Colegio Orduña) gaia zehaztu beharko dute haurrek eta Urduña antzerkia (Teatro Orduña). Adingabeek NANa izan beharko dute, eta gurasoei dokumentazioa eskatuko zaie lan-agintaritzari baimenak eskatu ahal izateko.
Figurazio enpresatik azaldu dutenez, ikus-entzunezkoen figuranteen hitzarmen kolektiboa eta indarrean dagoen lan araudia betez ordainduko dute lana.