Eduki hau partekatzeko esteka arbelera kopiatu da.
Korrika ez da aurten Urduñatik igaro izan, baina hori konpentsatzeko lau orduz jarraian egon dira hiriko eragile eta norbanako ugari hiria euskararen alde zeharkatzen.
Urte batzuetan bai, beste batzuetan ez. Korrikaren ibilbideak beti uzten du herriren bat edo beste bisitatu gabe, eta Urduña izan da aurten horietako bat.
Dena den, hori ez da oztopo izan urduñarrentzat euskararen aldeko konpromisoa erakusteko. Ostegun gauean Aiarako errepideetara atera ziren hainbat lagun lekukoaren atzetik korrika egitera eta gaur hiriko auzo guztietara eraman dute euskara.
Goizeko bederatzietatik eguerdiko ordu batak arte lekukoa eskuz esku pasatu dute hiriko elkarte eta eragile ugarietako ordezkariak. Euria ere egin du tarteka, baina horrek ez du galarazi urduñarren grina eta harro bete dute ezarritako erronka.
Argazkiak: Maider Ramirez Martin eta Ainara Sanchez.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
