Egun bakarra iraun dute Mikel Deuna jaiek, baina egitarau bizia izan dute, larunbat goizetik gauera luzatu dena. FTF Street Banden emanaldia, patata tortilla txapelketa, bizilagunen argazkia, herri bazkaria, bingoa, goitibera jaitsiera, txapela jaurtiketa eta igela txapelketak, elkartasun parrillada eta kontzertuak egon ziren.
Aurten Esta carrera la vamos a ganar elkarteari emango diote parrilladan zein jaian oro har bildutako dirua. Haurren minbizia lantzen du eragile horrek, eta bertako kide bat urduñarra da, jai batzordeko kideek azaldu dutenez.
XX. mendearen amaiera utzi zitzaion Mikel Deunako jaiak ospatzeari, eta duela 10 urte berreskuratu zuten, betiko jarduerei ekintza berriak gehituz.
Argazkiak: Mikel Deunako Jai Batzordea