aiaraldea.eus

“Herria batzea bilatzen dugu jaiekin”

Erabiltzailearen aurpegia Txabi Alvarado Bañares   Kultura  Aiara  Aiara: Menagarai

Menagarai eta Beotegiko festen antolatzaileetako bat da MARI CARMEN CAMPO URKIJO (MENAGARAI, 1949). San Migelgo jaien inguruan mintzatu da.

“Herria batzea bilatzen dugu jaiekin”
Menagarai eta Beotegiko jaien antolatzaileetako bat da Mari Carmen Campo Urkijo. | Ikusi handiago | Argazki originala

Duela lauzpabost urte ekin zenioten berriz Menagarai eta Beotegiko Jaiak ospatzeari. Zer moduz doa ospakizunen berreskurapen prozesua?
Zer edo zer lortzen ari gara. Geroz eta jende gehiago bertaratzen da plazaratzen dugun programari esker, hein batean.

Areto dantzak daude, bolo jaurtiketak... Ekintza guztiekin bagoaz apurka-apurka jaiak berreskuratzen. Herrian gazterik ez dagoela ikusita, erromeria formatuko festa zen berreskuratu nahi genuena.

Herriko jendeari zuzendutako festak egiten dituzue, beraz.
Funtsean hori da asmoa, bai. Aspaldian egiten ziren ospakizunak ekarri nahi ditugu gogora.

Festaren bidez herritarren arteko harremanak sustatzea dugu helburu. Ez gaude oso batuta, nahiko herri problematikoa da hauxe.

San Pedro Jaietan -uztailean ospatzen dira - herri bazkaria egiten dugu gure arteko erlazioak mantentzeko, adibidez.

Zergatik utzi zitzaion jaiak antolatzeari?
Geroz eta gazte gutxiago zeudelako herrian, eta pixkanaka ekintzak egiteari utzi zitzaiolako. Duela 20 urte inguru kalkulatzen dut hasi zirela galtzen.

Herriko jendearen adinean dago arazoa: pertsona oso nagusiak gara, esango nuke % 80 garela 60 urtetik gorakoak.

Etorkizunari begira zein da zuen asmoa?
Jaiak hobetzea gustatuko litzaidake niri, mota askotako ekintzak antolatzea; baina horretarako aurrekontu handiagoa beharko genuke. 3.000 euro baliatzen ditugu San Pedro eta San Miguel Jaiak antolatzeko, eta segituan  agortzen dira.

Bestelako mezurik gehitzea gustatuko litzaizuke?
Herriko jendea festen antolakuntzan gehiago inplikatzea ere gustatuko litzaidake, gazte zein nagusiak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa