70.000 euro bideratuko ditu Aiarako Udalak finantzatzeko Administrazio Batzarren obrak

Erredakzioa 2018ko urtarrilaren 8a
Deskargatu Info Ahotsak :

Arabako Foru Aldundiak airetik hartutako irudia Aiaran./ AFA

Diru kopuru horrekin ordainduko dituzte 11 herritan lanak eta 12 Administrazio Batzarreko behar teknikoak.

Aiarako EAJk oharra zabaldu du jakinarazteko 70.000 euroko diru-laguntzak eskainiko dituela udalak, finantzazio eredu berria jarraiki.

Horietako 35.000 euro baliatuko dute lanak ordaintzeko 11 herritan: Añes, Menoio, Erretes Lanteno, Agiñaga, Izoria, Kexaa, Arespalditza, Menagarai-Beotegi, Etxegoien, Maroño eta Olabezarren, hain zuzen. Horretarako, Administrazio Batzarrek proiektua aurkeztu zuten aurretik, oinarrizko azpiegiturak eskuratzeko.

Horrez gain, beste 35.000 euro banatuko ditu udalak lanen gastu teknikoei aurre egiteko. Kasu horretan 12 kontzeju izan dira hautatuak: Luiaondo, Menoio, Zuhatza, Lanteno, Menagarai-Beotegi, Kexaa, Maroño, Arespalditza, Madaria, Izoria, Erretes Lanteno eta Olabezar.

Epeak
Beharrezkoa den dokumentazioa urtarrilaren 31 baino lehen aurkeztuko beharko dute Administrazio Batzarrek Aiarako Udaletxean edo bere bulegoetan. Bertan jaso ahalko dute informazio guztia.

Ekonomia Aiara
Erlazionatuak
Aiarako Batzar Administratiboek zenbat diru jasoko dute zehaztu du udalak
Aiarako Batzar Administratiboek zenbat diru jasoko dute zehaztu du udalak

Aimar Gutierrez Bidarte 2018 urt 03 Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide