aiaraldea.eus

[ERREZETA] San Lorentzoko herri bazkariko paella

Erabiltzailearen aurpegia Erredakzioa   Kultura  Aiara  Aiara: Luiaondo

Komando Sukaldari taldekoek egiten dute urtero San Lorentzo jaietako herri bazkariko paella. Otordu hori prestatzeko errezeta helerazi digute. 

[ERREZETA] San Lorentzoko herri bazkariko paella
200 laguntzentzako paella egiten dute San Lorentzon. / Aiaraldea.eus | Ikusi handiago | Argazki originala

Osagaiak (200 lagunentzat):
· Arroz baporizatua: 18 kilo
· Txerri haragia (giharra): 12 kilo
· Txerri saiheskia: 80 kilo
· Txorizoa: 6 kilo
· Piper berdea: 8 kilo
· Piper gorria: 2 kilo
· Tipula zuria: 10 kilo
· Berakatza
· Arrautzak
· Oliba eta ekilore olioa
· Gatza

· Salda egiteko: 2,5 kilo hezur, tipula, azenarioa, porrua

Prestaketa:

1) Euren zukuak mantendu ditzaten, banatuta frijitu behar dira ekilore olioan, zatiturik, giharra, saiheskia eta txorizoa. Gatza orduan edo geroago bota daiteke.

2) Erabilitako olio horretan poxatu behar dira tipula eta berakatza, oso txiki moztuta. Doratu beharra dago, baina ez gehiegi. Piperra 15 milimetroko zatitan txikitu behar da, gutxi gorabehera.

3) Bestalde, saldaren osagaiak 3 orduz egosi behar dira, zatitu gabe. Arrautzak ere, eta gero zuritu aparte uzteko. Paella-ontzian bota osagai guztiak eta arroza gehitu, oliba olio txorrotarekin. Dena nahastu eta horrela utzi arrozak zaporeak har ditzan. Salda iragazkitik igaro eta bota arroza estali arte. Heren batean gainditu behar du arroza likidoak.

4) Su bizian egosi 30 minutuz, gutxi gorabehera, eta gatza bota. Sua itzali eta ontziaren taparen azpian mahai-oihal zuria jarri, baporea arrozaren gainean erori ez dadin berriro. Ordubete itxaron eta gero arrautzekin paella apaindu.

Oharra: Komando Sukaldarik arroz baporizatua erabiltzen du, besteak beste, almidoi gutxiago duelako. Horri esker, solteago geratzen da eta ez da gehiegi egiten. Izan ere, maiz, bazkariak dezente atzeratzen dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa