18 urtetan 24 hildako egon dira Amurrio eta Laudio arteko A-625 errepidean. Trafiko aldetik oso bide erabilia da Luiaondoko zatia. Eragindako heriotza kopuru altua dela medio, Arabako puntu beltzen artean dago. Iragan asteartean izan zen azken ezbeharra, ibilgailu eta kamioi baten arteko talka hain zuzen.
Gaur arte hartutako neurriak
2011n ezarri zuten abiadura kontrolatzeko radarra Luiaondon, istripuak saiheste aldera. Geroztik, 70 kilometro orduko abiadura da zati horretako muga. 2014an, aldiz, Arabako Diputazioak seinaleak ugaritu zituen. Era berean, radarra konpondu zuten, 2011n ezezagunek su eman baitzioten eta, ondorioz, ez baizebilen martxan.
2021eko obrak
16.8 milioi eurotako obra egingo du Arabako Foru Aldundiak 2021erako eskualdean. Hain zuzen, Amurrio eta Laudio arteko errepidean errail bikoitza jarriko dute. Izan ere, egunero 10.000 ibilgailu igarotzen dira bertatik. Hortaz, erabilerari erreparatuta, neurri hori ezartzeko mugan dago. Egitasmoak 9 kilometro izango ditu, Laudioko eta Amurrioko sarbideen arteko tartea.
Saratxoko saihesbidea izango da eskualdeko hurrengo obra esanguratsua. Egun, proiektua lehiaketa fasean dago, hurrengo urtean hasiko baitira lanak.