Groenlandiara egindako espedizioari buruzko dokumentala aurkeztuko du gaur Zigor Egiak

Groenlandian hartutako irudia./ Zigor Egia

19:30ean izango da aurkezpena Bilbon, Bizkaiko Mendi Federazioaren egoitzan, Miribilla auzoan.

Gaur "Expedición Groenlandia" dokumentala eskainiko du Zigor Egia mendizale amurrioarrak Bilboko Kirol Etxeko Areto Nagusian, Bizkaiko Mendi Federazioaren egoitzan -Martin Barua Picaza kalean-, hain zuzen.

19:30ean hasiko da hitzordua eta filmak 42 minutu iraungo du. Federazioko presidenteak irekiko du emanaldia eta Egiak gero azalduko ditu bidaiaren nondik norakoak. Azkenik, pelikula ekoiztu duen zuzendariak hartuko du hitza. Proiekzioa bukatu ostean, galderak egiteko aukera egongo da.

"Ez nuen asmorik dokumentala egiteko"

Zigor Egiak berak azaldu duenez, espedizioa osatu zutenen artean ez zegoen borondaterik pelikula sortzeko: "Gure helburua zen bidaia eta eskalada burutzea, baina gero grabatutako edukiak Aitor Gonzalez zuzendariarekin partekatu genituen eta dokumentala egiteko tartea ikusi zuen".

Egiak jakinarazi du Aresketa Ikastolan filmaren behin-behineko bertsioa proiektatu zuela iaz, zenbait irakaslek eskatuta: "11 urteko 24 umek ikusi zuten eta arreta handiz jarraitu zuten. Uste dut kritiko zorrotzen azterketa nota onez gainditu nuela!".

Halaber, nahiz eta oraindik datak ez dituzten zehaztu, Alonsotegin, Munitibarren eta Galdakaon pelikula eskaintzeko interesa adierazi dute. Eskualdeari dagokionez, Amurrioko Mendiko Lagunak taldeak ere du asmoa badauka emanaldia antolatzeko.

Erlazionatuak

[UDARIKLIK] Zigor Egia amurrioarrak Groenlandian bizitako abenturaren irudi onenak

Amurrio

18 eguneko abentura bizi izan du Zigor Egia mendizale amurrioarrak Groenlandian. Belauntzian iritsi da bertara, eta mendiak igotzen aritu da beste ...
Zigor Egia: "Belaontzian joango gara Groenlandiara 18 egunez eskalatzeko"

Aiara Ozeka

Zigor Egia Groenlandiara joango da eskalatzera uztailaren hasieran. Belaontzian egingo dute bidaiaren zatirik handiena. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide