Otsailaren 9an egingo da Etxaurren Ikastolako krosa

Julen Solaun Martinez 2020ko urtarrilaren 21a

Iazko edizioaren irudia./ Aiaraldea.eus

Eskola kiroleko sei lasterketa egingo dira goizean, benjamin, kimu eta haur kategorietako partaideekin. Era berean, eskola kirola eta gero, beste bi herri lasterketa antolatuko dira, bat adin guztientzat eta bestea helduentzat soilik.

Datorren otsailaren 9an egingo da aurtengo Etxaurren Ikastolako eskola kiroleko krosa, kategoria anitzeko probekin.

Era berean, adin guztientzako herri lasterketa ere antolatuko da, oharrean adierazi bezala, “euskara eta kirola bultzatzeko”.

Eskola kiroleko sei lasterketa antolatuko dira, bina kategoria bakoitzeko (benjaminak, kimuak eta haurrak), bat emakumezkoentzat eta beste bat gizonezkoentzat. Inskripzioa emateko epea 10:00etan hasiko da egunean bertan.

Lasterketak 11:00etan hasiko dira haur kategoriako neskekin, eta 12:10etan amaituko dira mutil benjaminekin.

Bi zirkuitu konbinaturik egingo dira ibilbide guztiak: A zirkuituak 900 metroko luzera izango du, eta B zirkuituak 400 metrokoa.

Herri lasterketak, berriz, 12:25ean eta 12:40an hasiko dira, hurrenez hurren. Lehenengoa adin guztientzat izango da, eta 400 metroko ibilbidea izango du soilik. Bigarrena, aldiz, helduentzat bakarrik izango da, 3600 metroko ibilbidearekin.

Kirola Aiara

Erlazionatuak

Euria egin arren, giro onean egin dute Etxaurren Krosa

Laura Guerrero 2019 ots 11 Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide