Aiarako Udalak mendekotasuna duten pertsonak laguntzeko programa jarri du abian

Julen Solaun Martinez 2020ko martxoaren 18a

Mendekotasuna duten pertsonak laguntzea izango da helburua. / Aiaraldea.eus

Koronabirusaren ondorioz ezarritako koarentena dela eta, Etxeko Laguntza Zerbitzua indartu dute udaletik.

Aiarako Udalak Etxean Zurekin programa aktibatu du Gobernuak ezarritako koarentena dela eta, mendekotasuna duten pertsonei etxeko laguntza emateko eta erosi beharrekoak etxera eramateko. Ohar batean azaldu dutenez, ekimen hau aurrera eraman ahal izateko, Etxeko Laguntza Zerbitzua indartuko dute.

Hortaz, Etxeko Laguntza Zerbitzuak dagoeneko erabiltzaile ziren pertsonei laguntza eskaintzen jarraituko die, baita laguntza berezia behar duten beste orori ere. Behar izatekotan, janaria banaka banatuko dutela esan dute ere. Neurri hauek 945 151 015 telefonora deituta eskatu ahalko dira.

Udalarekin kontaktuan jarri behar izatekotan 945 399 013 telefonora deitu beharko dute biztanleek, 8:00etatik 15:00etara. Ordu horietatik kanpo, berriz, 615 788 146 telefonora deitu beharko dute.

Osasuna Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide