SOLASALDIA

Aiaraldeko txirrindulariekin solasteko aukera egongo da Aiaran datorren asteartean

Txabi Alvarado Bañares 2021ko ira. 17a, 10:26

Lukene Trujillanok hartuko du parte solasaldian, besteak beste. / Lander Lopez

Mahaingurua antolatu du Aiarako Udalak Aiaraldea Komunikabidearekin elkarlanaean. Iñaki Isasik, Lukene Trujillanok eta Aritz Arberasek hartuko dute parte solasadian.

Txirrindulazaleek zita interesgarria izango dute datorren astean Aiaran, Aiarako Udalaren eta Aiaraldea Komunikabidearen eskutik. 'Aiaraldeko txirrindulariekin solasean' mahaingurua antolatu dute bi erakundeek elkarlanean egun horretarako. 19:00etan izango da zita Aiarako Udalbatza Aretoan. Sarrera doakoa izango da, baina toki kopuru mugatua egongo da, COVID-19aren aurkako segurtasun neurriak ezarriko baitira.

Eskualdeko hiru txirrindularik parte hartuko dute ekimenean: Iñaki Isasi, Lukene Trujillano eta Aritz Arberas. Isasik ibilbide oparoa egin zuen Euskaltel-Euskadi taldean, eta duatloietan murgilduta igaro ditu azken urtean, parte hartzaile zein antolatzaile gisa. Trujillanok Espainiako Junior Txapelketako hirugarren postua lortu zuen joan den uztailean, Arabarrak taldearekin. Aritz Arberas, aldiz, Bahrain taldeko prestatzaile fisikoa da, eta Tourrean, Giroan eta beste hainbat lasterketa esanguratsuetan aritu da.

Zuzenean

Aiaraldea Komunikabidean zuzenean emitituko du mahaingurua bere YouTubeko kanalean eta Aiaraldea.eus atarian.

Kirola Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide