Oletako landetan elkartuko da Aiaraldeko Gure Esku Dago urriaren 31n, erabakitzeko eskubidearen alde

Aimar Gutierrez Bidarte 2021eko urriaren 8a

Erabakitzeko eskubidearen aldeko sinbolo bilakatu da Oleta eskualdean. / Aiaraldea.eus

Egun osoko egitaraua prestatu du Gure Esku Dagok Oletako landan (Aiara) datorren urriaren 31rako. Erabakitzeko eskubidearen alde indarrak biltzea dute helburu.

Datorren urriaren 31rako Oleta Eguna antolatuko du Aiaraldeko Gure Esku Dagok. Erabakitzeko eskubidearen aldeko taldea hainbatetan batu da Aiarako landako dolmenaren inguruan, 2018ko maiatzaren 6ko herri galdeketen atarian, besteak beste. Oraingo honetan, erabakitzeko eskubidearen defentsan indarrak biltzeko baliatuko dute eguna.

Egitaraua

Gutxika badoaz urriaren 31ko egitaraua osatzen. Aurreratu dutenaren arabera, herri bazkaria egingo dute, eta txartelak aurretik egongo dira eskuragarri eskualdeko herri guztietan. Dantza plaza eta herri kirolak ere antolatuko dituzte, baita kontzertu batzuk ere.

'Hamaika gara'

Azken hilabetetan 'Hamaika Gara' egitasmoa jarri du abian Gure Esku Dagok, erabakitzeko eskubidearen aldeko ahalik eta atxikimendu gehien biltzeko. Norbanako zein eragileen babesa bilatu nahi dute, Euskal Herrian erabakitzeko eskubidea gauzatzearen aldeko jarrera nagusia ikustarazteko asmoz. Besteak beste, Internet bidez sinatu daiteke atxikimendua, esteka honetan.

Politika Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide