Kexaara itzuliko dituzte Gasteizko Arte Sakratuaren Museoan gordeta zeuden piezak

Aimar Gutierrez Bidarte 2023ko otsailaren 24a

Kexaako Kristo marinelaren taila, XIV. mendekoa. / Gasteizko Arte Sakratuaren Museoa

Arabako Foru Aldundiak Kexaako monumentu multzoa bereganatzearekin batera, bertara itzuliko dituzte 2010ean Gasteizko Elizbarrutiko Arte Sakratuaren Museora eramandako pieza artistikoak.

Kexaara itzuliko dira 2010az geroztik Gasteizko Arte Sakratuaren Museoan gordetako XIV. mendeko pieza artistikoak. Arabako Foru Aldundiak abenduan erosi zuen Kexaako monumentu multzoa eta, horrekin batera, espazioa birgaitzeko prozesua abiatu du, baita azpiegituren kudeaketa definitzeko ideia lehiaketa ere. Prozesu horren barruan kokatu dute Gasteizera eramandako piezak monumentu multzoan berriro ere integratzea.

XIV. mendeko lau pieza

Segurtasun arrazoiengatik, 2010ean lekualdatu zituzten XIV. mendeko lau piezak Gasteizko katedral berrian dagoen Elizbarrutiko Arte Sakratuaren Museora. Adatseko Andre Mariaren erlikia-ontzia, veneziar kopoia eta Kristo marinelaren eta San Joan Bataiatzailearen tailak dira lau pieza horiek; Kexaako Monumentu Multzoko kultura-ondasun kalifikatu eta banaezin gisa izendatuak. Lau piezak El Tesoro de Quejana izeneko bilduma baten barruan egon dira orain arte ikusgai Gasteizen.

Kultura Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide