Gaur bertan elkartu dira Aiara Batuz eta EH Bildu udalerriko gobernantzari buruz eztabaidatzeko, baina ez dute inolako adostasunik lortu.
Izan ere, Aiara Batuzen arabera, EH Bilduk proposatu die oposizioan bat egitea eta horrela gobernatzea. Edonola ere, talde independenteak uko egin dio ideia horri: "Ez dugu proposamen hori onartuko, gure ustez udalerria geldiaraziko lukeelako eta gure herritarrentzat kaltegarria izango litzatekeelako".
Aiara Batuzek honakoa adierazi du: "Aldaketaren eta Udalean kudeaketa berri bat izatearen aldeko apustua egiten dugu. Hori alkatetzatik bakarrik lor daitekeela uste dugu, modu ezberdinean gobernatuz".
Gauzak horrela, aurretik babesik ez izan arren, Aiara Batuzek Iratxe Parro Uzquiano proposatuko du alkate izateko, larunbatean 9:00etan egingo den Udalbatza osaketan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
