ARGAZKIAK ETA BIDEOA

Euskal Herriak erabakitzeko eskubidea duela aldarrikatu zuten Oletan, bosgarren urtez

Aimar Gutierrez Bidarte 2023ko ekainaren 26a
Deskargatu Info Ahotsak :

Bosgarren urtez erabakitzeko eskubidearen aldeko elkarretaratzea antolatu zuen Gure Eskuk Oletako landetan. "Euskal Herriak etorkizuna libre erabaki nahi duela" aldarrikatu zuten, festa eta aldarrikapena uztartu zituen egitarau batekin. Josu Etxaburu Gure Eskuren bozeramailea izan zen bertan.

Erabakitzeko eskubidearen aldeko elkarretaratzea egin zuen Gure Eskuk Oletako landetan bosgarren urtez. Egun osoko egitaraua prestatu zuten festa eta aldarrikapena uztartuz: mendi ibilaldia, herri kirolak, bazkaria, erromeria…

Frantziako Tourra

Josu Etxaburu Gure Eskuren bozeramailea ere izan zen Oletan. Aurreratu zuenez, Frantziako Tourra erabakitzeko eskubidearen aldeko bozgorailu bilakatzea da herri mugimenduaren hurrengo erronka. Txirrindularitza lasterketak nazioartean duen oihartzuna profitatu nahi du Gure Eskuk, Euskal Herriaren erabakitzeko eskubidea lau haizetara zabaltzeko.

Guztira 60.000 ikurrina banatuko ditu erabakitzeko eskubidearen aldeko mugimenduak datozen egunetan. "Ikur horiek eskuan errepide bazterretara ateratzeko deia egiten diegu euskal herritarroi, guztion artean argi adierazteko gure etorkizuna erabakitzea gure esku egon behar duela", azaldu zuen Etxaburuk igandean.

Argazkiak: Jose Mari Gutierrez Angulo

Politika Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide