Hodei Muñozek podiumean amaitu du Junior mailako Espainiako Kopa. Zehazki, hirugarren sailkatu da denboraldiko lasterketa guztiak lehen txirrindularien artean bukatu eta gero.
Txapelketako azken etapa Peñafielen (Gaztela Leon) jokoan egon zen igandean eta luiaondoarrak aukera guztiak zituen Kopa irabazteko. Hain zuzen, bigarrena zen sailkapen orokorrean eta lehena izateko dena eman zuen.
Ordea, etaparen amaierako une erabakigarrian -azken aldapan- eta ibilbide gogorra egin ostean, Muñozek kalanbreak sentitu zituen hanketan eta minarekin egin behar izan zuen aurrera.
Hori dela eta, 16. heldu zen helmugara eta hori dela eta, hirugarren postua egokitu zaio sailkapen orokorrean.
Minduta amaitu bazuen ere, Muñozek sentsazio onak izan ditu bost probetan: "Horregatik talde guztia lagundu dit denboraldi osoan. Orain Ribera de Dueron lasterketa bat daukat eta espero dugu ondo ateratzea".