Sarai Gandariasek jarraitzen du gora egiten bere kirol ibilbidean. Udan bi astez egin zuen aurredenboraldia Deportivo Alaveseko talde nagusiarekin eta 17 urte azpiko Euskadiko Selekzioak ere deitu du. Zehazki, Real Sociedad klubaren aurka jokatutako lagunarteko partidarako izan zen eta atezainaren itxaropena da Espainiako Txapelketarako ere hautatuen artean egotea.
2022/2023 denboraldian jauzi nabarmena
Edonola ere, hasi berri den denboraldiko lorpenak ez dira zortearen emaitza izan. Hain zuzen, aurreko denboraldian jauzi nabarmena egin zuen luiaondoarrak eta filialaren atea zaintzeko ardura hartu zuen bere gain, taldeko jokalariek lesioak izan ostean.
Gauzak horrela, kadete taldeko atezaina izan arren, Euskal Ligan eman zuen denboraldi erdia. Aurten zuzenean filialean hasi du denboraldia eta pozik dago, bigarren sailkatuak baitira momentuz.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
