Gaur eguerdian hasi dira Izoriako jaiak, txupinazoarekin eta mezarekin. Euskal dantzen erakustaldia egon da jarraian, Aiara Dantza Taldeko kideen eskutik, eta herri bazkaria egin dute gero dozenaka bizilagunen artean. Arratsalde euritsua girotzeko, aldiz, igel-jokoan aritu dira herritarrak.
Datorren asteburuan jarraituko dute ospakizunekin. Jaietan normalean ez dagoen jarduera bat egingo dute ostiralean: historia hitzaldia. Hain zuzen, Babioko herri harresituan eginiko azken indusketen emaitzen berri jasoko dute, Jon Obaldiaren eskutik.
Larunbatean, ordea, parranda giroa nagusituko da herrian. Patata tortilla txapelketarekin hasiko dute eguna, eta Potx magoarekin, Etxebarria aita-seme trikitilariekin eta parrillada herrikoiarekin luzatuko dute arratsaldea. Gauean, aldiz, Gauargi eta DJ Truetox & Ona egongo dira herria girotzen.
Argazkiak: Eneko Toquero Udaeta
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide