Hodei Muñoz fitxatu du Soudal-Quick Step taldeak

Maider Ramirez Martin 2024ko abuztuaren 20a
Deskargatu Info Ahotsak :

Hodei Muñoz Espainiako Kopa irabazi zuen egunean. / RFEC

Denboraldi bikaina egin eta gero, Dueroko Erriberako Junior Mailako itzulian lehiatuko da asteburu honetan txirrindulari aiararra. 

Hodei Muñozek talde berria izango du 2025etik aurrera, bi urterako konpromisoa hartu baitu Devo Team-ekin, Soudal Quick-Step taldeko filial amateurrarekin. Txirrindulari handien taldea da Soudal Quick-Step. Izan ere, bertako txirrindulariak dira, besteak beste, Remco Evenepoel eta Mikel Landa. Beraz, albiste bikaina da Muñozentzat talde belgikar horren interesa piztu izana. 

Aurten, Luiaondoko txirrindulariak denboraldi bikaina egin du, Espainiako Juniorren Cofidis Kopa irabazita. Ziklo-krosean ere nagusi izan da, Espainiako txapeldun titulua eskuratu baitzuen aurtengo urtarrilean Amurrion, eta ondoren Espainiako Kopan gailendu zen. 

Orain, luiaondoarraren hurrengo helburua Dueroko Erriberako Junior Mailako Itzulia izango da. Asteburu honetan izango da lasterketa eta ia 300 kilometroko ibilbidea izango du, hiru etapetan eta 3.200 metroko desnibelean banatuta.

Kirola Aiara Luiaondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide