Haur eta gazteentzako Sorlasean proiektua Aiarara heldu da eta izena emateko epea zabalik dago

Aitor Aspuru Saez 2024ko ira. 11a, 17:00

Sorlasean aritutako Laudioko gazteak. / Sorlasean

Antzerkigintzari buruzko ikastaroa duela bi urte hasi zen Laudion eta ikasturte honetan Aiaran ere eskainiko dute. Gaurdanik irailaren 18ra bitartean aukera egongo da izena emateko.

Sorlasean, Sortu Jolasean! proiektua Aiaran abiatuko dute laster. Josune Garcia de Bikuña ipuin
kontalari eta hezitzaileak sustatzen du egitasmoa eta 2012 eta 2018 urteen artean jaiotako gazteei bideratuta dago.

Horren bitartez, antzezlan bat prestatuko dute nerabeek maiatzera arte eta, bide batez, emozioak, ahotsa edota gorputz adierazpena landuko dituzte, antzerkigintzako hainbat teknika eta kontzepturekin batera.

Saioak ostegunetan izango dira 18:00etatik 19:00ak arte eta euskaraz lan egingo dute. 36 euro balioko du matrikulazioak eta Aiarako udaletxean egin beharko dute.

Parte hartzea eta sormena oinarri

Gazteek eurek erabakiko dute garatuko duten antzezlanaren nondik norakoak. Izan ere, sorkuntza prozesuan subjektu aktiboak izango dira, ez bakarrik antzezteko orduan, baita testua eta gidoia idazteko edo proposamen eszenikoa lantzeko orduan ere.

Sorlasean duela bi urte heldu zen Aiaraldera. Zehazki, Laudion izan dira lehen saioak eta emaitzak positiboak izan dira. Hain zuzen, parte hartzaileen kopurua bikoiztu zen ikasturte batetik bestera.

Kultura Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide