Izoriako jaien antolatzaileek espero dute aurreko asteburuko arrakasta gainditzea larunbat honetan. Horretarako, goizean hasi eta gauean bukatuko den egitaraua prestatu dute.
Ospakizunak 11:00etan abiatuko dituzte patata tortilla lehiaketarekin eta antolakuntzak berak emango dizkie parte hartzaileei arrautzak, patatak eta tipulak.
Hurrengo ekintza 18:00etan izango da familia ororentzat. Hain zuzen, Euskaraldiaren hurrengo edizioa aurkeztuko dute eta Kidam Magoaren Aroa eta mirariak ikuskizuna egongo da jarraian.
20:00etan Etxebarria aita-semeen unea helduko da. Trikitilari horien esku egongo da giroa berotzea, parrillada herrikoia egiten duten bitartean.
22:30ean hasiko dira kontzertuak. Alde batetik, Gauargi taldeak erromeria eskainiko du eta DJ Masak hartuko du lekukoa gaua luzatzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
