Udalak positiboki baloratu du jaien datei buruzko herri galdeketa

Erredakzioa 2017ko urtarrilaren 24a

Parte hartzea ez zen minimora iritsi galdeketan. Argazkia: aiaraldea.eus

Udaletik adierazi dute herri kontsulta honek bidea zabaltzen diela beste galdeketa batzuei

Prentsaurrekoa egin dute gaur Laudioko udal-gobernuko kideek. Igandean eginiko herri galdeketa baloratu dute bertan. Emaitzaren balorazio positiboa egin dute, nahiz eta parte hartzea ez iritsi loteslea izateko behar zen minimora (% 20). Jon Ander Altubek adierazi du galdeketaren formulari “tresna gisa” eman behar zaiola balioa; “galdetzea ez baita porrota”. Alkateordeak jakinarazi du hau izan dela Laudion egiten den lehen herri kontsulta, eta etorkizunean gehiago egitea ahalbidetuko duela horrek.

Jai-eredua
Jaien datei dagokionez, Altubek adierazi du festen gaineko beste aspektu batzuetan zentratzeko ordua dela, “jai-ereduan, adibidez”. Bilera irekia egingo dute datorren asteko asteartean (urtarrilak 31), 19:00etan Kultur Etxean. Herri galdeketaren emaitzak baloratuko dira bertan eta aurtengo jaien antolakuntzari helduko zaio.

Erlazionatuak

Jaiak bateratzearen alde azaldu da bozkatzaileen % 55,02, baina emaitza ez da loteslea izango

Erabiltzailearen aurpegia Izar Mendiguren Cosgaya 2017 urt 22 Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide