Gaur argitaratuko da Aiaraldea Egunkariaren 63. zenbakia. Ohikoan bezala, hainbat gai jorratuko ditu 16 orritan.
Kultur aniztasuna izango da protagonista erreportaje nagusian. Lamuza Ikastetxean ematen den egoera jorratuko du testuak.
Alfredo Remirezi eginiko elkarrizketa eta Urduñako osinaren historiari buruzko artikuluek osatuko dute Jendartea atala. Kultura atalean Burubio izango da protagonista, urtebeteko ibilbidea egin baitu Amurrioko kultur elkarteak. Kirolean, aldiz, atletismo egokitua praktikatzen duen Olaia Gurrutxagari eginiko elkarrizketa egongo da. Bigarren postua lortu du berak Espainiako Txapelketan, hirugarren urtez jarraian.
Kontrazalean Angel Ortiz Zubiaga izango da protagonista. Berakatz zozpazko kroketak egiteko sortu duen aparailuaren nondik norakoak azaldu ditu sukaldari aiararrak.
Ohikoan bezala, kolaboratzaile ugarik hartu dute parte egunkariaren erredakzioan. Norberto Aldaiturriaga, Asier Amondo, Patxi Iturregi eta Lucia Menoyo arduratu dira iritzi zutabeak idazteaz. Urtzi Odriozolak, bere aldetik, bideo-jokoen atala prestatu du. Aimar Gutierrez arduratu da kontrazaleko komikia egiteaz.