San Pedro mendiko indusketak berrartuko ditu EHUko ikerlari talde batek

Erredakzioa 2017ko mai. 11a, 09:52

Hainbat aztarna topatu zituzten iaz mendian. / Amurrioko Udala

Ate irekien jardunaldiak egingo dituzte maiatzaren 27an, Lubakikoak taldearen laguntzarekin.

San Pedro Beratza mendiko indusketei jarraipena emango die EHUko ikerlari talde batek. Iaz hasi ziren mendia arakatzen, Gerra Zibilean bertan egondako borrokaldien aztarnak topatzeko helburuarekin. Emaitza positiboak izan zituen bilaketak, hainbat aztarna topatu baitzituzten: 200 bala-zorro baino gehiago, metraila zatiak edota egunero objektu arruntak, besteak beste. Zenbait lubaki eta gotorleku ere aurkitu zituzten ikerlariek.

Oraingoan “analisi, dokumentazio eta balio-hartze lanak” egingo dituzte, defentsa-sistema errepublikanoa osatzen duten egitura guztien irakurketa topografikoa eginaz. “Horrela, Euskal Herrian hobekien kontserbatu izan den Gerra Zibileko gudu-zelaietako baten gaineko ikuspegi orokorra izatea lortuko da”. Hala adierazi dute ikerketa taldeko kideek. Zortzi dira guztira eta Xurxo Ayaneneta eta Josu Santamariaren gidaritzapean arituko dira.

Hainbat entitateren laguntza jaso dute proiektuari ekiteko: Amurrio eta Urduñako Udalena, Lezama eta Arrastariako kontzejuena edota Aztarna elkarte etnografikoarena, besteak beste.

Ate irekien jardunaldiak
Ate irekien jardunaldiak egingo dituzte mendian, egiten ari diren ikerketak jendarteratzeko. Lubakikoak elkartearen laguntza izango dute horretarako. Gerra Zubileko borroken zenbait eszena antzeztuko dituzte talde horretako kideek.

Jendartea

Erlazionatuak

"San Pedro mendian II. Mundu Gerraren aurrerapena egon zen 1937an"

Erredakzioa 2016 urr 27 Amurrio

Aurtengo indusketak bukatu dituzte San Pedro mendiko lubakietan

Erredakzioa 2016 aza 09 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide