Ekainaren 21etik irailaren 21era egongo da “Udari klik” postalen lehiaketan parte hartzeko aukera. Aiaraldea hedabideak urtero antolatzen du egitasmoa, herritarren artean euskara, multimedia eta parte hartzea sustatze aldera.
Aurten, gainera, berrikuntzaz beterik dator ekimena. Izan ere, haurrek kategoria propioa izango dute: marrazkiena. Hala, bost modalitate egongo dira: Aiaraldeakoa (eskualdeko argazkiak), bidaiena (Eskualdetik kanpoko argazki-postalak), umorea, gif-ak (timelapseak, boomerangak...) eta marrazkiena.
Europara bidai baten zozketa
Partaide guztien artean asteburuko egonaldia zozketatuko da, Paris, Londres, Amsterdam, Erroma edo Bruselas ezagutzeko aukera, hain zuzen.
Lehiaketak gune berezia izango du aiaraldea.eus atarian. Lanak bidaltzeko modu asko daude: webgunera igotzea edukia, sare sozialetan (Facebooken, Twitterren eta Instagramen) “#Udariklik” traola eta @aiaraldea aipatzea, edo erredakzioa@aiaraldea.eus helbidera bidaltzea, kasu.
Irailaren 25ean jakinaraziko dira irabazleak. Epaimahaia Txemi Llano argazkilariak, Txani Rodrigez idazleak eta Lucia Menoyo Aiaraldea hedabideko kideak osatuko dute.
