Aiarako Kuadrillaren ezohiko bilkura egin dute gaur eguerdian Laudion. Ander Añibarrok bere dimisioa aurkeztu du bertan. Bi urtez izan da Añibarro Kuadrillako lehendakaria eta Eusko Jaurlaritzako gobernuan ere lanean zen urte hasieran.
Horregatik utzi dio Kuadrillako burua izateari: “Denbora faltagatik sumatzen dut aurrenatzean ezingo dudala % 100 eman”. EAJko kideak azaldu duenez, “ohorea” izan da beraretzat kargua, “erronka pertsonala izan da niretzat, eta gaztea izateak sortzen duen mesfidantzari egin behar izan diot aurre”. Hala ere, Añibarrok azpimarratu du “lan-giro ona” izatea lortu dutela, eta eskerrak eman dizkie bi urte hauetan berarekin egon diren kide guztiei.
Emakumezko lehen presidentea
Dimisioaren ostean ekin diote batzarrean presidente berriaren hautaketari. Maider Basterra Ibarretxe gailendu da bozketan, 13 botorekin. Bigarren geratu da EH Bilduko Mariano Alava, 10 botorekin. OMNIA alderdiko Nerea Gonzalezek lau jaso ditu; eta bakarra, aldiz, Orain Amurrioko Angel Jimenezek.
Gauzak hala, kargu hori betetzen lehen emakumea izango da Basterra. “Bazen garaia emakumezko lehendakari bat egoteko”, aipatu du; eta gaineratu du Añibarrok utzitako bidea jarraituko duela.
Maider Basterra izango da Aiarako Kuadrillako emakumezko lehen lehendakaria
Gaur hautatu dute EAJko kidea Kuadrillako burua izateko, Ander Añibarrok dimititu ostean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide