Gaur -urriak 18- argitaratuko da Aiaraldea Egunkariaren 75. zenbakia. Ohikoan bezala, 24 orrikoa izango da eta hainbat gai jorratuko ditu. Euskalgintza Kontseiluaren kanpaina berria izango da horietako bat, Ahobizi eta Belarripresten egitasmoari buruzko lau orriko erreportajea izango baitu aldizkariak.
Kultura atalean Takoidun zapata gorria antzezlana izango da protagonista, Gasteizko Nazioarteko Antzerki Jaialdian aurkeztuko baitute obra hori datorren astean.
Kirol atalean, aldiz, igandean Laudion egingo den Patin Egunari buruzko informazioa topatu ahal izango du irakurleak, azken bi asteetan jazotako beste hainbat albisterekin batera.
Iritzia atalean Nerbioia izango da protagonista, Goi Nerbioi Bizirik taldeko kide batek eta URA agentziako zuzendariak iritzi zutabe bana plazaratu baitute ibaiaren egoera dela eta.
Hortaz gain, ez dira faltako ezta "Aiaraldeatxiki" umeen txokoa eta herriz herrikako albisteen sorta.
Takoidun zapata gorria antzezlana, Laudioko Patin Eguna eta beste hainbat gai ere jorratuko ditu.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide