Euskararen eguna 2017

Euskaraz bizitzen ari dira dagoeneko Arakaldo eta Arrankudiaga-Zolloko ahobizi eta belarriprestak

Txabi Alvarado Bañares 2017ko azaroaren 3a

Arrankudiagako Herriko plazan jendetza bildu da ekimenaren aurkezpenean. / aiaraldea.eus

Arakaldon 24 parte hartzaile batu dira ekimenera momentuz. Arrankudiaga-Zollon, aldiz, 61 belarriprest eta 153 ahobizi animatu dira. Hemen klikatuta eman daiteke izena egitasmoan.

Gaur arratsaldean eman zaio hasiera Aiaraldeko Euskalgintza Kontseiluaren ekimen berriari. Arakaldo eta Arrankudiaga-Zolloko herritarrek egingo dute lehen txanpa. Astebetez egongo dira bi herrietako ahobizi eta belarriprestak euskaraz bizitzen. Arakaldon 24 parte hartzaile batu dira ekimenera, azken unean jende gehiago animatu daitekeen arren. Arrankudiaga-Zollon, aldiz, 61 belarriprest eta 153 ahobizi inskribitu dira.

Izen-ematea, zabalik
Gaurtik abenduaren 3ra arte luzatuko da ekimena. Hurrengo astean (azaroaren 10etik 17ra) Laudio, Orozko eta Okondoren txanda izango da. Amurrio, Aiara eta Artziniegak hartuko dute lekukoa gero, eta Urduña ondoren, hirian ospatuko baita Euskararen Egun bateratua.

946 belarriprest eta 1722 ahobizi atxikitu dira dagoeneko ekimenera, baina askoz gehiago animatzea espero da. Izan ere, 6.000 lagun batzea da asmoa.

Hemen klikatuta eman daiteke izena.

Euskara

Erlazionatuak

6.000 aiaraldearren aho eta belarriak aktibatu nahi dituzte euskararen alde

Txabi Alvarado Bañares 2017 urr 16 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide