Adi Emakumeak eta Matxintxuren sarea prest indarkeria matxistaren aurka

Aitor Aspuru Saez 2017ko aza. 6a, 08:23

Matxintxu elkarteko kideak, talde argazki batean. / matxintxu.blogspot.com

Elkarte horietako emakumeek boluntarioki hartuko dute parte Tartekari Sarean, tratu txarrak jasotzen dituztenei babesa, informazioa, orientazioa eta laguntza eskainiaz.

Urduñako Adi Emakumeak eta Orozkoko Matxintxu elkarteek parte hartuko dute Tartekari Sarea programan. Helburutzat bortizkeria pairatzen duten emakumeak detektatzea eta laguntzea dute. Sarea 70 eragilek osatzen dute eta Bizkaiko 37 elkartek bat egin dute ekimenarekin. Xedea da bortizkeria matxistarekin amaitzea eta emakume eta gizonezkoen arteko parekidetasuna sustatzea.

Elkarte horietako emakumeak boluntarioki batuko dira sarera, tratu txarrak jasotzen dituztenei babesa, informazioa, orientazioa eta laguntza eskaintzeko, adituak diren gizarte zerbitzuetara jotzeko aukera izan dezaten.

Modu horretan erraztu nahi dute hitz egiteko topagune babestua, konfidentziala eta pribatua; emakumea "seguruago" sentitu dadin. Bestalde, profesional espezializatu talde baten trebakuntza eta aholkularitza jasoko dute.

Telefonoak
Bi elkarteek eskura jarri dituzte telefono zenbakiak, nahi duenak dei dezan laguntza eske edo informazioa jasotzeko. Orozkoarren kasuan 688 727 188 da zenbakia, eta Adi Emakumeakena 688 727 187 izango da.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide