Artziniegako Geltoki plazako zenbait auzokidek (28 inguru) eta Larruazabal Administrazio Batzarreko hainbat lagunek azaldu dute elektrizitate hornidurarik gabe egon zirela atzo gaua heldu arte.
Igande gaueko haizeteek kalte ugari sortu zituzten eta horien ondorioz gertatu zen argindarraren zerbitzuaren etena. Atzo gauean konpondu zuen Iberdrolak.
Artziniegako herritar batek adierazi du konponketa behin-behinekoa dela. Izan ere, makal baten erorketak zenbait kable moztu zituen eta gainkarga jazo zen. Artziniegarrak salatu du Iberdrolak ez diela inolako azalpenik eman.
Larruazabalen ere, Belandian, hain zuzen, igandean 21:30ak aldera geratu ziren argindarrik gabe eta atzo 18:30ak aldera berriro izan zuten. "Guztiz babesik gabe gaude enpresaren aurrean", gaineratu du Iberdrolaren bezero batek.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
