"Arabako Gazte Feministon II. Topaketak", elkarrekin korapiloak askatzeko

Aimar Gutierrez Bidarte 2018ko urtarrilaren 20a

Gazte feministak saretu eta hausnarketak konpartitzeko espazio izatea nahi dute topaketak. / Topatu.eus

Otsailaren 17an egingo dituzte Zuiako Gaztetxean Arabako Gazte Feministon II. Topaketak, 2017ko maiatzean Amurrion burututako lehenengo topaketei jarraipena emateko. Aiaraldeko hainbat neska gazte taldeek bertan parte hartuko dute.

Maiatzaren 13an egin ziren Amurrioko Gaztetxean Arabako Gazte Feministon I. Topaketak, Arabako neska gazte hainbat talderen arteko elkar ezagutza eta saretze espazio gisa.

Antolatzaileek oso positiboki baloratu zuten orduko esperientzia eta bertatik tiraka jarraikortasuna eman nahi diote proiektuari Zuiako Gaztetxean otsailaren 17an antolatuko dituzten topaketen bigarren edizioan.

Korapiloak askatuz
Iazko haria jarraituz bi korapilo nagusi askatzeko erronkari helduko diote eta horretarako egun osoko egitarau oparoa jarriko dute abian. Alde batetik, erasoen aurrean kolektiboki eman beharreko erantzunaz eztabaidatuko dute, hainbat esperientzia mahai-gaineratuz eta erantzun moldeak komunean jarriz. Bestetik, neska gazte taldeek garatu beharreko diskurtsoa zehazten ahaleginduko dira.

Topatu.eus gazte proiektu komunikatiboak erreportaje batean bildu zituen Amurrioko iazko topaketek emandakoak:

Jendartea Araba

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide