Arrankudiagako tren geltokitik gertu harrapatu zituen Ertzaintzak atzo 23 eta 24 urteko bi gazte eta herriko etxe batean lapurtzea leporatu die. Horrez gain, atzo bertan jazo ziren lapurreta gehiago Amurrion eta Laudion.
Atzo lapurreta baten berri izan ostean Arrankudiagan, Ertzaintzak bi gizonezkorengana jo zuen herriko tren geltokiaren inguruetan. Poliziak jakinarazi du ez zutela baliozko dokumentaziorik eta Laudioko Ertzain-etxera eraman zituztela identifikatzeko. Bertan, ziurtatu zuten lapurretan parte hartu zutela biek eta, ondorioz, atxilotu zituzten.
Lapurreta gehiago
Orain, polizia ikertzen ari da akusatuek harremana duten eskualdean azkenaldian gertatutako zenbait lapurretekin. Izan ere, atzo arratsaldez bi gehiago jazo ziren Amurrion eta Laudion. Batean atzeko atea baliatu zuten etxean sartzeko eta bestean leiho bat apurtu zuten.
Horrez gain, antzeko delituak egin dituzte azken asteotan Aiaraldean.
Epaitegira
Ertzaintzak jakinarazi du ikerketa horiek bukatu bezain laster epailearen esku utziko dituztela akusatuak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
