Argitalpen britainiarrak txakolinaren inguruko artikulua plazaratu du, euskal gastronomia eta ardoak dastatu ostean. Decanter aldizkaria ardozaleen erreferentea da munduan. Izan ere, 1975an sortu zuten eta 2004. urtetik sari banaketa antolatzen du. Otsailaren 3an zabaldutako testuan adierazi dute "beharrezkoa" dela edatea "Astobizaren Malkoa 2015" eta "Goianearen UNO 2015" aurten.
Txema Gotxi lezamarrak kudeatzen du Goianea txakolindegia, eta pozez hartu du aitorpena: "Hori pizgarria da hobetzen jarraitzeko eta proba berriak egiteko". Ardoari buruz, ziurtatu du edozein janarirekin har daitekeela: "bere bolumena eta azidotasuna ondo nahasten da edozein jakirekin".
Gainera, Arabako Jatorrizko Izendapeneko ardoek puntuazio onena eskuratu dute aldizkarian. Laudioko Beldui txakolindegiaren "Atlantisak" ere balorazio ona jaso du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
