Julen Ibarrola eta Urduñako adingabeen zentroa protagonista Aiaraldea Hemen hamabostekarian

Erredakzioa 2018ko otsailaren 14a

Gaur eguerdian ekingo zaio aleen banaketari. / Aiaraldea.eus

Gaur eguerdian iritsiko dira egunkariaren aleak errotatibatik, eskualdean banatuak izateko.

Gaur argitaratuko da Aiaraldea Hemen hamabostekariaren 82. zenbakia. Hainbat gai potolo jorratuko dira bertan. Julen Ibarrolaren espetxeratzea izango da horietako bat. Gazte amurrioarrari eginiko elkarrizketa eta kasuari buruzko analisia jasoko ditu paperezko edizioak.

Urduñako adingabeen zentroa dela eta sortutako eztabaidei ere helduko die agerkariak, luze eta zabal jorratuko baitu gai hori, lau orritan.

Handia filma etalonatu duen Natxo Sainz De La Fuenteri eta Vicente Contreras eski irakasleari eginiko elkarrizketak ere topatu ahal izango ditu irakurleak, beste hainbat edukirekin batera.

Komunikazioa

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide