"Feminismoa Aiaraldean" jardunaldia egingo dute larunbatean Laudion

Izar Mendiguren Cosgaya 2018ko api. 9a, 12:38

Greba feministak eskualdean utzitako irudi bat. / Aiaraldea.eus

Feminismoaren eskualdeko egoera eta erronkak izango dituzte eztabaidagai goiz erdiko saioan. "Aiaraldeko I. Topaketa feministak" aurkeztuko dituzte eguerdian.

"Feminismoa Aiaraldean" jardunaldia antolatuko du Aiaraldea Ekintzen Faktoriak datorren larunbatean; hots, apirilaren 14an. Laudioko Kultura Etxea izango dute emakumeen topaleku, emakume talde zein norbanako orori zabaldu diote parte hartzeko deia.

10:30ean hasiko da saioa, "Feminismoa Aiaraldean" gogoeta kolektiboarekin. Hala, Urduñan, Amurrion, Orozkon, Okondon, Artziniegan, Arrankudiaga-Zollon, Laudion eta Aiaran emakume elkarteek egindako bidea ezagutaraziko dute. "Azterketa bat egin dugu. Datuetatik diagnostikoa egitea izango da lehen pausoa, ondoren aurrera begirako helburuak eta erronkak zeintzuk izan behar diren zehazteko", adierazi dute. 11:45ean izango da hori, "Etorkizuna marrazten, hitzetatik ekintzetara" izenburudun solasaldian.

Jardunaldia ez da mistoa izango: "Emakumeon iritzi eta kezkak konpartitzeko topaketa izango da, etorkizuna elkarrekin marrazteko abiapuntua". Hori dela eta, zaintza gunea eskainiko dute haurrentzat. Zerbitzua erabiltzeko ostirala baino lehen bidali beharko da mezua feminismoa@aiaraldea.eus helbidera.

Topaketa feministen aurkezpena
Era berean, udako solstizioaren inguruan, Aiaraldeko topaketa feministak gauzatzeko asmoaren berri eman dute. Larunbat eguerdian egingo dute aurkezpena, 13:00etan. Aurerago emango dituzte egitarauari buruzko xehetasunak.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide