Maiatzaren 17an 17:00etan izango da "Aiaraldeako Berdintasun Gunea" aurkezteko hitzordua. Haurtzaindegi eta garraio zerbitzua egongo da, eskatzen dutenentzat. Horretarako ordea, maiatzaren 14a baino lehen bidali beharko da mezua 686 587 889 zenbakira edo cayala.miren@ayto.araba.eus helbide elektronikora.
Miren Urresti Aiarako Kuadrillako teknikariak adierazi duenez, eskualdeko elkarte eta talde feminista guztiak gonbidatu dituzte, "baita berdintasunaren alde eta indarkeria matxistaren aurka dauden guztiak ere".
Helburuak
Bileraren bidez nahi dute indarkeria matxistaren aurkako protokolo eta planerako ekarpenak jasotzea. Aurreratu duenez, Aiaraldeko berdintasun topaketa antolatzen ere hasiko dira. Gunearen helburuez galdetuta, berdintasunaren aldeko espazio parte hartzailea eratzea lortu nahi dutela azpimarratu du Urrestik. "Herrietan badaude eta eskualdekoa nahi dugu martxan jarri, ekintza bateratuak elkarrekin antolatu eta koordinatzeko".
Lehen saioa berezia izanik, gonbidatu berezia ekarriko dute: La Felini. "Ongi etorria eta amaierako laburpena egingo du berak".